ಬೆಂಗಳೂರು: ಬೆಂಗಳೂರಿನಲ್ಲಿ 2016-2019ರ ಅವಧಿಯಲ್ಲಿ ನಡೆದಿತ್ತು ಎನ್ನಲಾದ 970 ಕೋಟಿ ರೂಪಾಯಿಗಳ ಅಕ್ರಮ ಬೋರ್ವೆಲ್ ಕಾಮಗಾರಿ ಸಂಬಂಧ ತನಿಖೆ ನಡೆಸುತ್ತಿರುವ ಇಡಿ, 43 ಮಂದಿ ಬಿಬಿಎಂಪಿ ಮಾಜಿ ಕಾರ್ಪೊರೇಟರ್ಗಳಿಗೆ ಶಾಕ್ ನೀಡಿದೆ. ಮಾಜಿ ಕಾರ್ಪೊರೇಟರ್ ಗಳ ವಿಳಾಸ, ಪ್ಯಾನ್, ಆಧಾರ್, ಇಮೇಲ್, ಸಂಪರ್ಕ ಸಂಖ್ಯೆ ಮುಂತಾದ ವಿವರಗಳನ್ನುಕೋರಿದೆ.
ಯೋಜನೆ ಅನುಷ್ಠಾನಗೊಂಡ ವಾರ್ಡ್ಗಳು, ವಲಯಗಳು, ಕಾರ್ಪೊರೇಟರ್ಗಳ ವಿಳಾಸಗಳು, ಪ್ಯಾನ್ ಮತ್ತು ಆಧಾರ್ ಕಾರ್ಡ್ ವಿವರಗಳು, ಇಮೇಲ್ ಐಡಿಗಳು ಮತ್ತು ಸಂಪರ್ಕ ಸಂಖ್ಯೆಗಳನ್ನು ಜಾರಿ ನಿರ್ದೇಶನಾಲಯ ಕೇಳಿದೆ ಎಂಬುದನ್ನು ಆಂತರಿಕ ದಾಖಲೆಗಳನ್ನು ಉಲ್ಲೇಖಿಸಿ ‘ಡೆಕ್ಕನ್ ಹೆರಾಲ್ಡ್’ ವರದಿ ಮಾಡಿದೆ.
ಬೆಂಗಳೂರು ನಗರದ ಹೊರವಲಯದ ನೀರಿನ ಬಿಕ್ಕಟ್ಟನ್ನು ಪರಿಹರಿಸುವುದಕ್ಕಾಗಿ ಬೋರ್ವೆಲ್ಗಳನ್ನು ಕೊರೆಯುವುದಕ್ಕಾಗಿಯೇ ಹೆಚ್ಚಿನ ಹಣ ವಿನಿಯೋಗಿಸಲಾಗಿದೆ. 43 ಮಾಜಿ ಕೌನ್ಸಿಲರ್ಗಳು ಹಣ ಬಿಡುಗಡೆಗೆ ಪತ್ರ ಬರೆದಿರುವುದು ಬೆಳಕಿಗೆ ಬಂದಿರುವುದರಿಂದ ಅವರ ಪಾತ್ರದ ಬಗ್ಗೆ ಈಗ ಇ.ಡಿ ಕಣ್ಣಿಟ್ಟಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇನ್ನೂ ಯಶವಂತಪುರ, ಕೆಆರ್ ಪುರಂ, ಬ್ಯಾಟರಾಯನಪುರ, ಆರ್ಆರ್ ನಗರ, ಬೊಮ್ಮನಹಳ್ಳಿ ಕ್ಷೇತ್ರಗಳಲ್ಲಿ ಹೆಚ್ಚು ಅಕ್ರಮ ನಡೆದಿರುವುದು ಕಂಡು ಬಂದಿರುವುದಾಗಿ ವರದಿಯಾಗಿದೆ.
ಇನ್ನೂ 2016-17 ಮತ್ತು 2017-18ರಲ್ಲಿ 9,558 ಬೋರ್ವೆಲ್ಗಳನ್ನು ಕೊರೆಸಲು ಹಣ ಬಿಡುಗಡೆ ಮಾಡಲಾಗಿತ್ತು. ಈ ಪೈಕಿ 1,000 ಬೋರ್ವೆಲ್ಗಳನ್ನು ಮಾತ್ರ ಕೊರೆಸಲಾಗಿದೆ ಎಂದು ದೂರುಗಳಲ್ಲಿ ಉಲ್ಲೇಖವಾಗಿದೆ. ಇತರ ಎಲ್ಲ ಸಂದರ್ಭಗಳಲ್ಲಿ, ಪಾವತಿಗಳನ್ನು ಸ್ವೀಕರಿಸಲು ನಕಲಿ ಬಿಲ್ಗಳನ್ನು ಸಂಗ್ರಹಿಸಲಾಗಿದೆ ಎಂದು ಆರೋಪ ಕೇಳಿ ಬಂದಿದೆ. 600 ಅಡಿ ಆಳದ ಬೋರ್ವೆಲ್ಗಳನ್ನು ಕೊರೆಸಿದರೂ 1,500 ಅಡಿ ಆಳಕ್ಕೆ ಬಿಲ್ ಪಡೆದಿರುವ ಉದಾಹರಣೆಗಳಿವೆ ಎಂದು ವರದಿ ತಿಳಿಸಿದೆ.
43 ಮಾಜಿ ಕಾರ್ಪೊರೇಟರ್ಗಳ ವಿವರ ಮಾತ್ರವಲ್ಲದೆ, ಗುತ್ತಿಗೆದಾರರು ಮತ್ತು ಬಿಬಿಎಂಪಿ ನಡುವಿನ ಒಪ್ಪಂದ, ಬೋರ್ವೆಲ್ಗಳ ವಿವರಗಳು, ಸ್ಥಾಪಿಸಲಾದ ಆರ್ಒ ಘಟಕಗಳು ಮತ್ತು ಸಲ್ಲಿಸಿದ ದಾಖಲೆಗಳು ಮತ್ತು ಹಣವನ್ನು ಬಿಡುಗಡೆ ಮಾಡಲು ಬಳಸಿದ ಖಾತೆಗಳು ಅಥವಾ ಹಣಕಾಸುಗಳಲ್ಲಿನ ಅಧಿಕಾರಿಗಳ ಹೆಸರುಗಳ ಬಗ್ಗೆ ಇಡಿ ಮತ್ತಷ್ಟು ವಿವರಗಳನ್ನು ಕೋರಿದೆ.
ಪ್ರಾಜೆಕ್ಟ್ ಮ್ಯಾನೇಜ್ಮೆಂಟ್ ಕನ್ಸಲ್ಟೆಂಟ್ಗಳ ವಿಳಾಸಗಳು ಮತ್ತು ಅವರ ಬ್ಯಾಂಕ್ ಖಾತೆ ವಿವರ. ಬೋರ್ವೆಲ್ಗಳು ಅಥವಾ ಆರ್ಒಗಳು ಹಾಗೂ ಒಳಚರಂಡಿಗಳು ಹಾಕಲಾಗಿದೆಯೇ ಮತ್ತು ಕಾರ್ಯನಿರ್ವಹಿಸುತ್ತಿವೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಪರಿಶೀಲಿಸಿದ ದಾಖಲೆಗಳನ್ನು ಕೌಂಟರ್ ಮಾಡಿ ಕೊಡಿ. ಬೋರ್ವೆಲ್ ಕೊರೆಯಲು ಮತ್ತು RO ಪ್ಲಾಂಟ್ನ ಸ್ಥಾಪನೆ ಮತ್ತು ಒಳಚರಂಡಿ ಮಾರ್ಗಗಳನ್ನು ಹಾಕಲು ಸರಾಸರಿ ವೆಚ್ಚ ಎಷ್ಟು? ಎಂದು ಪ್ರಶ್ನಿಸಿದೆ.
ಬಿಬಿಎಂಪಿ ಸುಮಾರು ಎರಡು ವರ್ಷಗಳ ಹಿಂದೆ ಆರ್ ಆರ್ ನಗರದಲ್ಲಿ ಬೋರ್ವೆಲ್ಗಳನ್ನು ಆತುರದಿಂದ ಕೊರೆಯಲು ಪ್ರಾರಂಭಿಸಿತು, ಅಲ್ಲಿ ಬಿಲ್ಗಳನ್ನು ಬಹಳ ಹಿಂದೆಯೇ ಪಡೆಯಲಾಗಿತ್ತು. ದೂರುಗಳ ಮೇರೆಗೆ ಇಡಿ ಅಧಿಕಾರಿಗಳು ಬೋರ್ವೆಲ್ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಸೌತ್ ಆ್ಯಂಡ್ ಸರ್ಕಲ್ ಬಿಬಿಎಂಪಿ ಕಚೇರಿಯಲ್ಲಿ ಅಮ್ಮನ ಬದಲು ಮಗ ಕೆಲಸಕ್ಕೆ ಹಾಜರ್: ಲೋಕಾ ದಾಳಿ ವೇಳೆ ಬಯಲು
