Greater Bengaluru News9 : ತುಮಕೂರು ಜಿಲ್ಲೆ ಕುಣಿಗಲ್ ತಾಲೂಕಿನ ಹುಲಿಯೂರುದುರ್ಗ ಹೋಬಳಿಗೆ ಒಳಪಡುವ ಉಜ್ಜಿನಿಯ ಪ್ರಸಿದ್ಧ ಶ್ರೀ ಶಕ್ತಿಪೀಠ ಉಜ್ಜಿನಿ ಚೌಡೇಶ್ವರಿ ಅಮ್ಮನವರ ಕ್ಷೇತ್ರದಲ್ಲಿ ಮುಂಬರುವ ನವರಾತ್ರಿ ಮಹೋತ್ಸವವನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಲು ಸಿದ್ಧತೆಗಳು ನಡೆದಿವೆ. ಈ ಪವಿತ್ರ ಉತ್ಸವದ ಸಂದರ್ಭದಲ್ಲಿ ಅಮ್ಮನವರಿಗೆ ಪ್ರತಿದಿನ ವಿಶೇಷ ಪೂಜೆ ಹಾಗೂ ವಿವಿಧ ರೂಪಗಳ ಅಲಂಕಾರಗಳನ್ನು ಹಮ್ಮಿಕೊಳ್ಳಲಾಗಿದೆ.
ಕ್ಷೇತ್ರದಲ್ಲಿ ಅಕ್ಟೋಬರ್ 10, 2026ರ ಶನಿವಾರದಂದು ಪುಷ್ಪಾಲಂಕಾರ ಹಾಗೂ ಅಷ್ಟಮಿ ಪೂಜೆಯೊಂದಿಗೆ ನವರಾತ್ರಿ ಕಾರ್ಯಕ್ರಮಗಳು ಆರಂಭವಾಗಲಿವೆ. ಅಕ್ಟೋಬರ್ 11ರ ಭಾನುವಾರ ಅರಿಶಿನದ ಕೊಂಬಿನ ಅಲಂಕಾರ, ಅಕ್ಟೋಬರ್ 12ರ ಸೋಮವಾರ ಲಕ್ಷ್ಮಿ ಅಲಂಕಾರ ಹಾಗೂ ಅಕ್ಟೋಬರ್ 13ರ ಮಂಗಳವಾರ ಮಧುರೆ ಮೀನಾಕ್ಷಿ ಅಲಂಕಾರವನ್ನು ನೆರವೇರಿಸಲಾಗುತ್ತದೆ.
ಹಾಗೆಯೇ ಮುಂದುವರಿದು, ಅಕ್ಟೋಬರ್ 14ರ ಬುಧವಾರ ಧರ್ಣೀ ಅಲಂಕಾರ, ಅಕ್ಟೋಬರ್ 15ರ ಗುರುವಾರ ಖಾದಾದಿ ವನಶಂಕರಿ ಅಲಂಕಾರ, ಅಕ್ಟೋಬರ್ 16ರ ಶುಕ್ರವಾರ ಸರಸ್ವತಿ ಅಲಂಕಾರ ಹಾಗೂ ಅಕ್ಟೋಬರ್ 17ರ ಶನಿವಾರ ಬ್ರಹ್ಮಚಾರಿ ಅಲಂಕಾರವನ್ನು ಕೈಗೊಳ್ಳಲಾಗುತ್ತದೆ. ನಂತರದ ದಿನಗಳಲ್ಲಿ ಅಂದರೆ ಅಕ್ಟೋಬರ್ 18ರ ಭಾನುವಾರ ರಾಜರಾಜೇಶ್ವರಿ ಅಲಂಕಾರ, ಅಕ್ಟೋಬರ್ 19ರ ಸೋಮವಾರ ಬೆಂಗಳೂರು ಹಸಿಕರಾದ, ಅಕ್ಟೋಬರ್ 20ರ ಮಂಗಳವಾರ ಮಹಾಕಾಳಿ ಅಲಂಕಾರ ಹಾಗೂ ಅಕ್ಟೋಬರ್ 21ರ ಬುಧವಾರ ಅಂಬಾರಿ ಅಲಂಕಾರದೊಂದಿಗೆ ವಿಶೇಷ ಪೂಜಾ ಕೈಂಕರ್ಯಗಳು ಜರುಗಲಿವೆ.
ದೇವಾಲಯದ ವತಿಯಿಂದ ಅಕ್ಟೋಬರ್ 11 ರಿಂದ ಅಕ್ಟೋಬರ್ 21ರವರೆಗೆ ಪ್ರತಿದಿನ ಅಮ್ಮನವರಿಗೆ ಪಂಚಾಮೃತ ಅಭಿಷೇಕ, ವಿಶೇಷ ಅಲಂಕಾರ, ಮಹಾಮಂಗಳಾರತಿ ಹಾಗೂ ಪ್ರಸಾದ ವಿನಿಯೋಗವನ್ನು ಏರ್ಪಡಿಸಲಾಗಿದೆ. ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ದೇವಿಯ ಕೃಪೆಗೆ ಪಾತ್ರರಾಗಬೇಕಾಗಿ ದೇವಸ್ಥಾನದ ಸಮಿತಿ ಕೋರಿದೆ.
ವಿಶೇಷವಾಗಿ ಪೂಜಾ ಅಲಂಕಾರದಲ್ಲಿ ಪಾಲ್ಗೊಳ್ಳಲು ಬಯಸುವ ಭಕ್ತರು ದೇವಸ್ಥಾನದ ಅರ್ಚಕರನ್ನು ಸಂಪರ್ಕಿಸುವಂತೆ ವಿನಂತಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಅಥವಾ ಅರ್ಚಕರನ್ನು ಸಂಪರ್ಕಿಸಲು 7022230335 ಸಂಖ್ಯೆಗೆ ಕರೆ ಮಾಡಲು ಕೋರಲಾಗಿದೆ.
