Greater Bengaluru News9: ಬೆಂಗಳೂರು ನಗರದಲ್ಲಿನ ಮೌಲ್ಯಯುತ ಭೂಮಿಯನ್ನು ಹೆಚ್ಚು ಪರಿಣಾಮಕಾರಿಯಾಗಿ ಬಳಸಿಕೊಳ್ಳಲು ಸರ್ಕಾರ ಜಾರಿಗೆ ತಂದಿರುವ ಪ್ರೀಮಿಯಂ ಎಫ್.ಎ.ಆರ್ (Premium FAR) ನೀತಿಗೆ ಹೈಕೋರ್ಟ್ ಹಸಿರು ನಿಶಾನೆ ನೀಡಿದ್ದು, ಇದೀಗ ನಗರದಲ್ಲಿ ಕಟ್ಟಡ ನಿರ್ಮಾಣಕ್ಕೆ ಹೆಚ್ಚುವರಿ FAR ಪಡೆಯುವ ಅವಕಾಶ ಸಂಪೂರ್ಣವಾಗಿ ಲಭ್ಯವಾಗಿದೆ ಎಂದು ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) ಪ್ರಕಟಿಸಿದೆ.
ಕೆ.ಟಿ.ಸಿ.ಪಿ ಕಾಯ್ದೆ 1961ರ ಸೆಕ್ಷನ್ 18(B) ಮತ್ತು ಯೋಜನಾ ನಿಯಮ 37(E) ರ ಪ್ರಕಾರ ಬೆೇಸ್ FAR ಗೆ ಹೆಚ್ಚುವರಿಯಾಗಿ ಪ್ರೀಮಿಯಂ FAR ಪಡೆಯಲು ಅವಕಾಶವಿದ್ದು, ಇದಕ್ಕಾಗಿ 02.04.2025 ರಂದು ಹೊರಡಿಸಿದ ಅಧಿಸೂಚನೆಗೆ ಇದೀಗ ನ್ಯಾಯಾಲಯದ ಪೂರ್ಣ ಬೆಂಬಲ ದೊರೆತಿದೆ.
ಪ್ರೀಮಿಯಂ FAR ಶುಲ್ಕವನ್ನು ಸರ್ಕಾರದ ಮಾರ್ಗಸೂಚಿ ಮೌಲ್ಯ (Guidance Value) ಆಧಾರದ ಮೇಲೆ ಗಣನೆ ಮಾಡಲಾಗುತ್ತದೆ.
ಅರ್ಜಿದಾರರು ಗರಿಷ್ಠ:
- 40% ಹೆಚ್ಚುವರಿ FAR – ಪ್ರೀಮಿಯಂ FAR ಮೂಲಕ
- 20% ಹೆಚ್ಚುವರಿ FAR – TDR ಮೂಲಕ
ಒಟ್ಟು 60% ವರೆಗೆ ಹೆಚ್ಚುವರಿ FAR ಬಳಸಿಕೊಳ್ಳಬಹುದು.
ಹೈಕೋರ್ಟ್ ತೀರ್ಪು: ಪ್ರೀಮಿಯಂ FAR ಜಾರಿಗೆ ಮನ್ನಣೆ
ಈ ತಿದ್ದುಪಡಿಯನ್ನು ಪ್ರಶ್ನಿಸಿ ಸಲ್ಲಿಸಿದ್ದ WP 6347/2025 ಮತ್ತು WP 11201/2025 ಅರ್ಜಿಗಳನ್ನು ಕರ್ನಾಟಕ ಹೈಕೋರ್ಟ್ ಡಿಸೆಂಬರ್ 5, 2025ರಂದು ವಜಾಗೊಳಿಸಿ, GBA ಪರವಾಗಿ ತೀರ್ಪು ನೀಡಿದೆ. ಇದರಿಂದ ಪ್ರೀಮಿಯಂ FAR ಬಗ್ಗೆ ಯಾವುದೇ ಕಾನೂನು ತಡೆ ಇರುವುದಿಲ್ಲ.
ಪಾಲಿಕೆಗಳಿಂದಲೇ ಸುಲಭ ಅನುಮೋದನೆ
GBA building approval ಪ್ರಕ್ರಿಯೆ ಹೀಗಿರುತ್ತದೆ:
- ಕಟ್ಟಡ ನಕ್ಷೆ ಸಲ್ಲಿಕೆಯಲ್ಲಿ ಪ್ರೀಮಿಯಂ FAR ಸೇರಿಸಿ ಪ್ರಸ್ತಾಪಿಸಬಹುದು
- ಪಾಲಿಕೆ ಪ್ರೀಮಿಯಂ FAR ಶುಲ್ಕಗಳನ್ನು ಲೆಕ್ಕ ಹಾಕಿ ಕಟ್ಟಡ ಶುಲ್ಕಗಳೊಂದಿಗೆ ಪಾವತಿಸಲು ಸೂಚಿಸುತ್ತದೆ
- ಶುಲ್ಕ ಪಾವತಿಸಿದ ನಂತರ, Base FAR + Premium FAR ಒಳಗೊಂಡ ಕಟ್ಟಡ ನಕ್ಷೆಯನ್ನು ಮಂಜೂರು ಮಾಡಲಾಗುತ್ತದೆ
- EODB ಪೋರ್ಟಲ್ನಲ್ಲಿ ಈ ವ್ಯವಸ್ಥೆ ಈಗಾಗಲೇ ಲಭ್ಯ
GBA ಪ್ರಕಾರ, ಇದು ಸರಳ ಮತ್ತು ಪಾರದರ್ಶಕ ಪ್ರಕ್ರಿಯೆ.
ವಾರ್ಷಿಕ ₹2,000 ಕೋಟಿಯ ಆದಾಯ ನಿರೀಕ್ಷೆ
ಗ್ರೇಟರ್ ಬೆಂಗಳೂರು ಪ್ರಾಧಿಕಾರವು ತಿಳಿಸಿರುವಂತೆ, ಪ್ರೀಮಿಯಂ FAR ಮೂಲಕ ಇದರ ವ್ಯಾಪ್ತಿಯ ಐದು ನಗರ ಪಾಲಿಕೆಗಳಿಗೆ ವರ್ಷಕ್ಕೆ ಸುಮಾರು ₹2,000 ಕೋಟಿ ಆದಾಯ ಬರಬಹುದೆಂದು GBA ಅಂದಾಜಿಸಿದೆ.
ಈ ಆದಾಯವನ್ನು ರಸ್ತೆ, ಒಳಚರಂಡಿ, ಸಾರ್ವಜನಿಕ ಮೂಲಸೌಕರ್ಯ, ಮತ್ತು ನಗರ ಸುಧಾರಣೆ ಯೋಜನೆಗಳಿಗೆ ಬಳಸುವ ನಿರೀಕ್ಷೆಯಿದೆ.
