ಬೆಂಗಳೂರು ನಮ್ಮ ಮೆಟ್ರೋ 4 ಹೊಸ ಮಾರ್ಗಗಳು 4 ವರ್ಷದಲ್ಲಿ ಪೂರ್ಣ; 62 ಕಡೆ ನಿಲ್ದಾಣ ಆರಂಭ; ಎಲ್ಲೆಲ್ಲಿ? ಇಲ್ಲಿದೆ ಪೂರ್ಣ ಮಾಹಿತಿ -

ಬೆಂಗಳೂರು: ನಮ್ಮ ಮೆಟ್ರೋ ಜಾಲ ವಿಸ್ತರಣೆಯಾಗುತ್ತಿದ್ದು, ಸದ್ಯ ಕಾಮಗಾರಿ ಆರಂಭವಾಗಿರುವ, ಭೂ ಸ್ವಾಧೀನ ಹಂತದಲ್ಲಿ ಹೊಸ ನಾಲ್ಕು ಮಾರ್ಗಗಳು 2029 ರೊಳಗೆ (ಇನ್ನು ನಾಲ್ಕು ವರ್ಷದಲ್ಲಿ) ಪೂರ್ಣಗೊಳಲಿವೆ ಎಂದು ಕರ್ನಾಟಕ ಸರ್ಕಾರ ಮಾಹಿತಿ ನೀಡಿದೆ.
ಮೆಟ್ರೋ ನೀಲಿ, ಕಿತ್ತಲೆ ಬಣ್ಣದ ಹೊಸ ನಾಲ್ಕು ಮಾರ್ಗಗಳಲ್ಲಿ ಬರೋಬ್ಬರಿ 62 ಕಡೆಗಳಲ್ಲಿ ಹೊಸ ನಿಲ್ದಾಣಗಳು ನಿರ್ಮಾಣವಾಗುತ್ತಿವೆ. ಈ ಮಾರ್ಗ ಆರಂಭದ ಬಳಿಕ ಪೂರ್ವ ಪಶ್ಚಿಮ, ಉತ್ತರ ದಕ್ಷಿಣ ದಿಕ್ಕಿನಲ್ಲಿ ಸಂಪರ್ಕ ಕಲ್ಪಿಸಲಾಗುತ್ತಿದೆ.

ರಾಜ್ಯಪಾಲರು ವಿಧಾನಮಂಡಳ ಅಧಿವೇಶನದ ಭಾಷಣದಲ್ಲಿ ಈ ಅಂಶಗಳನ್ನು ಉಲ್ಲೇಖ ಮಾಡಿದ್ದಾರೆ. ಬೆಂಗಳೂರು ಮೆಟ್ರೋ ರೈಲು ಯೋಜನೆಯ ಹಂತ-2(ಎ) ರ ಅಡಿ ಸೆಂಟ್ರಲ್‌ ಸಿಲ್ಕ್‌ ಬೋರ್ಡ್‌ನಿಂದ ಕೆಆರ್‌ ಪುರದವರೆಗೆ 19.75 ಕಿ.ಮೀ. ಹಾಗೂ ಹಂತ-2(ಬಿ) ಅಡಿ ಕೆಆರ್‌ ಪುರದಿಂದ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದವರೆಗೆ 38.44 ಕಿ.ಮೀ. ಉದ್ದದ ಒಟ್ಟು 14,788 ಕೋಟಿ ರೂ. ಅಂದಾಜು ವೆಚ್ಚದ ಕಾಮಗಾರಿ ಪ್ರಗತಿಯಲ್ಲಿದೆ ಇದನ್ನು 2029 ರೊಳಗೆ ಪೂರ್ಣಗೊಳಿಸುವುದಾಗಿ ಸರ್ಕಾರ ತಿಳಿಸಿದೆ.

ಮೆಟ್ರೋ 3 ನೇ ಹಂತದ ಕಾರಿಡಾರ್‌-1 ರಡಿ ಕೆಂಪಾಪುರದಿಂದ ಜೆ.ಪಿ.ನಗರ 4ನೇ ಹಂತದವರೆಗೆ 32.15 ಕಿ.ಮೀ. ಹಾಗೂ ಕಾರಿಡಾರ್‌- 2ರಲ್ಲಿ ಹೊಸಹಳ್ಳಿಯಿಂದ ಕಡಬಗೆರೆವರೆಗಿನ 12.50 ಕಿ.ಮೀ. ಉದ್ದದ ಒಟ್ಟು 15,611 ಕೋಟಿ ರೂ. ಅಂದಾಜು ವೆಚ್ಚದ ಕಾಮಗಾರಿಗಳು ಪ್ರಗತಿಯಲ್ಲಿವೆ. ಈ ಎಲ್ಲಾ ಕಾಮಗಾರಿಗಳನ್ನು 2029ರ ಡಿಸೆಂಬರ್‌ನೊಳಗೆ ಪೂರ್ಣಗೊಳಿಸಲಾಗುವುದು ಎಂದು ರಾಜ್ಯಪಾಲರು ತಿಳಿಸಿದ್ದಾರೆ.

ನೀಲಿ ಮಾರ್ಗ 1 ಸಿಲ್ಕ್‌ಬೋರ್ಡ್‌ – ಕೆಆರ್‌ ಪುರ
* ಸೆಂಟ್ರಲ್ ಸಿಲ್ಕ್ ಬೋರ್ಡ್
* ಎಚ್.ಎಸ್.ಆರ್‌ ಲೇಔಟ್
* ಅಗಾರ
* ಇಬ್ಬಲೂರು
* ಬೆಳ್ಳಂದೂರು
* ಕಾಡುಬೀಸನಹಳ್ಳಿ
* ಕೋಡಿಬೀಸನಹಳ್ಳಿ
* ಮಾರತಹಳ್ಳಿ
* ಇಸ್ರೋ
* ದೊಡ್ಡನೆಕುಂದಿ
* ಡಿ.ಆರ್.ಡಿ.ಓ ಕ್ರೀಡಾ ಸಂಕೀರ್ಣ
* ಸರಸ್ವತಿ ನಗರ
* ಕೆ.ಆರ್. ಪುರ

ನೀಲಿ ಮಾರ್ಗ – 2 ಕೆಆರ್‌ ಪುರ – ವಿಮಾನ ನಿಲ್ದಾಣ
* ಕೆ.ಆರ್. ಪುರ
* ಕಸ್ತೂರಿ ನಗರ
* ಹೊರಮಾವು
* ಎಚ್.ಆರ್.ಬಿ.ಆರ್‌ ಲೇಔಟ್
* ಕಲ್ಯಾಣ್ ನಗರ
* ಎಚ್.ಬಿ.ಆರ್‌ ಲೇಔಟ್
* ನಾಗವಾರ
* ವೀರಣ್ಣ ಪಾಳ್ಯ
* ಕೆಂಪಾಪುರ
* ಹೆಬ್ಬಾಳ
* ಕೊಡಿಗೇಹಳ್ಳಿ
* ಜಕ್ಕೂರು ಕ್ರಾಸ್
* ಯಲಹಂಕ
* ಬಾಗಲೂರು ಕ್ರಾಸ್
* ಬೆಟ್ಟಹಲಸೂರು
* ದೊಡ್ಡಜಾಲ
* ವಿಮಾನ ನಿಲ್ದಾಣ ನಗರ
* ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಟರ್ಮಿನಲ್‌

ಕಿತ್ತಳೆ ಮಾರ್ಗ – 1 ನಿಲ್ದಾಣಗಳು
* ಕೆಂಪಾಪುರ
* ಹೆಬ್ಬಾಳ
* ಪಟೇಲಪ್ಪ ಬಡಾವಣೆ
* ಬಿ ಇ ಎಲ್ ವೃತ್ತ
* ಬಾಹುಬಲಿ ನಗರ
* ಪೀಣ್ಯ
* ಕಂಠೀರವ ಸ್ಟುಡಿಯೋ
* ಫ್ರೀಡಂ ಫೈಟರ್ಸ್ ಕಾಲೋನಿ ಕ್ರಾಸ್
* ಚೌಡೇಶ್ವರಿ ನಗರ
* ಸುಮನಹಳ್ಳಿ ಕ್ರಾಸ್
* ನಾಗರಬಾವಿ ಬಿ ಡಿ ಎ ಸಂಕೀರ್ಣ
* ಅಂಬೇಡ್ಕರ್‌ ತಾಂತ್ರಿಕ ಮಹಾವಿದ್ಯಾಲಯ
* ವಿನಾಯಕ ಬಡಾವಣೆ
* ನಾಗರಬಾವಿ ವೃತ್ತ
* ಮೈಸೂರು ರಸ್ತೆ
* ಹೊಸಕೆರೆಹಳ್ಳಿ ಕ್ರಾಸ್
* ಕಾಮಾಕ್ಯ ಬಸ್‌ ಘಟಕ
* ಕಾಮಾಕ್ಯ ಬಸ್‌ ಘಟಕ
* ಕದಿರೇನಹಳ್ಳಿ ಕ್ರಾಸ್
* ಜಯಪ್ರಕಾಶ ನಗರ
* ಜೆಪಿ ನಗರ 5 ನೇ ಹಂತ
* ಜೆಪಿ ನಗರ 4 ನೇ ಹಂತ

ಹೊಸಹಳ್ಳಿ ಕಡಬಗೆರೆ ಮಾರ್ಗದ ನಿಲ್ದಾಣಗಳು
* ಹೊಸಹಳ್ಳಿ
* ಕೆಎಚ್‌ಬಿ ಕಾಲೋನಿ
* ವಿನಾಯಕ ನಗರ
* ಸುಮನಹಳ್ಳಿ ಕ್ರಾಸ್‌
* ಸುಂಕದಕಟ್ಟೆ
* ಹೇರೋಹಳ್ಳಿ
* ಬ್ಯಾಡರಹಳ್ಳಿ
* ಕಾಮತ್‌ ಲೇಔಟ್‌
* ಕಡಬಗೆರೆ