ಬೆಂಗಳೂರು: ರಾಜಣ್ಣ ಹಿಂದು ಮಿಲ್ಟ್ರಿ ಹೋಟೆಲ್ ಹೆಸರಿನಲ್ಲಿ ಸುಮಾರು 40 ವರ್ಷಗಳಿಂದ ಸ್ವಾವಲಂಬಿ ಮಹಿಳೆಯಾಗಿ ಸಾವಿರಾರು ಜನರಿಗೆ ಶುಚಿ-ರುಚಿಯಾಗಿ ಆಹಾರ ತಯಾರು ಮಾಡುವಲ್ಲಿ ತಮ್ಮದೇಯಾದ ಸೇವೆ ಸಲ್ಲಿಸುತ್ತಿರುವ ಶ್ರೀಮತಿ ಚಾಮುಂಡಮ್ಮ ಅವರಿಗೆ ವಿಶ್ವ ಮಹಿಳಾ ದಿನದಂದು ಸೇವಾ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಇಂದು ಗೋವಿಂದರಾಜನಗರದ ವಿಧಾನಸಭಾ ಕ್ಷೇತ್ರದ ಪಾಪಯ್ಯ ಗಾರ್ಡನ್ನಲ್ಲಿ ನಡೆದ ಸಮಾರಂಭದಲ್ಲಿ ಚಾಮುಂಡಮ್ಮ ಅವರಿಗೆ ಶಾಸಕ ಪ್ರಿಯಕೃಷ್ಣ ಅವರು ಪ್ರಶಸ್ತಿ ಪ್ರದಾನ ಮಾಡಿದರು.
ಹೋಟೆಲ್ ಹೆಸರಿನ ಬೋರ್ಡ್ ಇಲ್ಲದೆಯೇ ಸುಮಾರು 40 ವರ್ಷಗಳಿಂದ ರಾಜಣ್ಣ ಹಿಂದು ಮಿಲ್ಟ್ರಿ ಹೋಟೆಲ್ ಸೇವೆ ಸಲ್ಲಿಸುತ್ತಿದೆ. ನಗರದ ಪ್ರಮುಖ ಮಿಲ್ಟ್ರಿ ಹೋಟೆಲ್ಗಳಲ್ಲಿ ರಾಜಣ್ಣ ಮಿಲ್ಟ್ರಿ ಹೋಟೆಲ್ ಕೂಡ ಒಂದು. ನಿತ್ಯವೂ ನೂರಾರು ಮಂದಿ ಈ ಹೋಟೆಲ್ ರುಚಿಯನ್ನು ಸವಿಯುತ್ತಿದ್ದಾರೆ.
ಬೆಂಗಳೂರು 2ನೇ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಜಾಗ ಕೊನೆಗೂ ಫೈನಲ್..!
